By saru paudel 
काठमाडौं, असार — टी–२० विश्वकपको एसिया तथा पूर्वी एसिया क्षेत्रीय छनोटका लागि नेपाल र कुवेत एउटै समूहमा परेका छन्। अन्तर्राष्ट्रिय क्रिकेट परिषद (ICC) ले बिहीवार सार्वजनिक गरेको समूह विभाजनअनुसार नेपाल समूह ‘बी’ मा रहेको छ।
समूह ‘बी’ मा नेपालसँगै कुवेत र जापान पनि छन्। प्रतियोगितामा सहभागी ९ देशलाई तीन समूहमा विभाजन गरिएको छ। समूह ‘ए’ मा युएई, मलेसिया र कतार छन् भने समूह ‘सी’ मा ओमान, पपुवा न्यु गिनी र समोआ रहेका छन्।
आइसिसीका अनुसार समूह चरणको खेल आगामी अक्टोबर ८ देखि १० सम्म हुनेछ भने सुपर सिक्स चरण अक्टोबर १२ देखि १७ सम्म सञ्चालन हुनेछ।
हरेक समूहका शीर्ष दुई टोली सुपर सिक्समा प्रवेश गर्नेछन्। सुपर सिक्स चरणमा उत्कृष्ट प्रदर्शन गर्ने शीर्ष तीन टोलीले आगामी टी–२० विश्वकपको लागि स्थान सुरक्षित गर्नेछन्।
नेपालले यस प्रतियोगिता मार्फत टी–२० विश्वकपमा स्थान बनाउने लक्ष्यसहित तयारी गरिरहेको छ। प्रतियोगिता अक्टोबर १० देखि १७ सम्म आयोजना हुने तय गरिएको छ।
Milan Sharma